Er ekki eitthvað bogið við þá dóma sem við höfum verið að heyra um nýlega ?

 Á þessum síðustu og versnandi tímum þar sem ferðaskrifstofur gætu farið að bjóða ofbeldimönnum utan úr heimi ódýra ferð til Íslands þar sem væri innifalið flug, bíll og árás á íslenska lögreglumenn, eftir árásina væri svo hægt að fara út að djamma og skemmta sér yfir íslenska réttarkerfinu sem er ekkert á leiðinni að dæma þessa menn.

 

á meðan....

 

Er lítil stúlka og móðir hennar dæmdar til helvítis, fyrir atvik sem hvert mannsbarn gæti valdið í hita og spennu leiksins á þessum aldri. Ég þekki ekki til málsins nema það sem ég hef lesið í blöðunum og séð í fréttunum og ég bara skil þetta ekki.

Aumingja kennarinn á auðvitað alla mína samúð vegna vegna þessa áfalls og auðvitað á hún að geta sótt sinn rétt þ.e.a.s fjárhagsstuðning til ríkissins í stað þess að kæra aumingja fólkið svona og sjá til þess að fjölskylda er kannski á vonarvöl fjárhagslega og andlega vegna þessa máls.

Ég skora á Björn Bjarnason að gera eitthvað í þessu hrópandi ósamræmi í dómsmálum þessa dagana! 


mbl.is Dæmd til að greiða kennara 10 milljónir í bætur
Tilkynna um óviðeigandi tengingu við frétt

Mig langar virkilega að fá útskýringu á því hvað HAARP er að gera hér ?

Ég er búin að liggja yfir síðum á netinu tileinkuðum HAARP en eftir að hafa hlustað á bylgjuna í fyrradag þar sem einhver maður hringdi inn og benti á þessa.... hvað get ég sagt....ógn?

Ég bendi ykkur á að Googla HAARP og lesa allt sem þið finnið um það!

Það lítur út fyrir að bandaríski herinn eigi 2 HAARP stöðvar á Íslandi , eina við Stokkseyri og aðra í Þykkvabæ, einnig eiga þeir 1 stöð á Finnlandi og 1 í Alaska.. áhugaverðar staðsetninga ekki satt!

Þetta er eitt hrikalegasta vopn bandaríkjamanna og lítur út fyrir að þeir geti lokað á allt hljóðsamband milli t.d Rússlands og Evrópu, þeir virðast geta skotið niður flugskeyti og flugvélar og jafnvel rústað heilu þorpunum, ef heimildir eru réttar.

Þeir eru að leika sér að því að steikja göt og lyfta jónahvolfinu og aðdráttarafl jarðar er breytilegt vegna þess......!

 

Þetta á að hafa áhrif á jarðskjálfta og eldgos og margt margt fleira.

 

Þeir voru að fikta við svona stöð í Mexíkó og á stóru svæði í kring urðu dýr ófrjó.

 

Ég segi ekki meir , skoðið þetta og athugið hvort ykkur finnist ekki að við eigum heimtingu á útskýringu frá utanríkisráðuneytinu ! 

 Kv, Helena


Þetta ætti að kenna ykkur körlum að HLUSTA !!

Þetta er bara alveg týpískt dæmi um það hvernig karlar eru oft á tíðum, segja bara jájá og neinei og segja ástæðuna kannski stafa af því hve leiðinlegar við konur séum og umræðuefnið eftir því, kannski væri betra að HLUSTA aðeins betur en þessi karlræfill virðist hafa gert ha ......

 það hefði kannski bjargað honum frá því að eyða síðustu hýrunni sinni í flugmiða til Íslands, hálfdrepast úr kulda á Akranesi og þurfa að láta lögregluna berja það inn í hausinn á honum sem kærustunni tókst ekki, "Að hún vildi ekki sjá hann " !!


mbl.is Sat á ferðatösku við Akratorg
Tilkynna um óviðeigandi tengingu við frétt

Ef þetta er Ford pickup-inn sem ég sá í vor liggjandi fyrir utann veg þá...

Ef þetta er Ford pickup-inn sem ég sá í vor liggjandi fyrir utann veg þá finnst mér nú vinnubrögð Lögreglunnar frekar seinvirk þarna fyrir norðann !
mbl.is Játaði innbrot
Tilkynna um óviðeigandi tengingu við frétt

Vilhjálmur X borgarstjóri í Hrafnaþingi í kvöld.

Það verður fróðlegt að heyra hvað Villi x borgarstjóri segir um málið í kvöld á Hrafnaþingi, á ÍNN nýju sjónvarpsstöðinni sem fer í loftið í kvöld kl 20:00, látið sjónvörpin ykkar leita á UHF eða myndlykilinn á rás 20.

 

Góða skemmtun. 


mbl.is Björn Ingi: Það var ekkert annað að gera í stöðunni
Tilkynna um óviðeigandi tengingu við frétt

Sjónvarpstöðin ÍNN á rás 20 á Digital ísland.

Hæ hó,

Við förum í loftið kl 20:00 þann 11.oktober, allir að muna að uploada myndlykilinn sinn og láta sjónvörpin leita á UHF rás.

 

Áfram íslamd! 


JÆKSS... hver vill eiga afmæli 20.desember?

IMG_1252

Já hver vill eiga afmæli 20.desember?

Hef sett á laggirnar afmælisskiptavef á www.birthdaychanger.com.mk og er að leita að einhverjum sem á afmæli í júlí eða ágúst sem væri til í að skipta við mig um afmælisdag, frábært fyrir konu fædda 1967 með möguleika á að verða fertug 4. mánuðum seinna en lög gera ráð fyrir !!

 

Ég er fædd 20.desember 1967 og verð sumsé fertug  þá ,en finnst alveg drepleiðinlegt að halda uppá afmæli í snjó og kulda svo ég ákvað að halda uppá afmælið mitt í ár þann 25.ágúst og það heppnaðist svona líka helv.... vel, þannig að hér eftir mun ég halda garðpartý í ágúst og sleppa desemberruglinu!

 

endilega notið vefinn fína og fáið ykkur afmælisdag í uppáhaldsárstíðinni ykkar !

 

knús Helena. 

 

 


Enn eitt haustið.

Jæja jæja.. loksins loksins... hér kemur blogg !

Við Gaukur reimuðum á okkur gönguskóna og skelltum nesti í tösku og keyrðum alla leið suður til IKEA í dag, við tókum daginn snemma því allra veðra er von á ferðalagi sem þessu, því fórum við með írisi Birnu í leikskólann óvenjusnemma og drifum okkur svo á stað,það er óhætt að segja að það hafi örlað á dálitlum spenningi á leiðinni enda svona ferðalag ekki daglegt brauð hjá okkur hjónaleysum, við komum við hjá Jóa Fel og Gaukur blæddi rúnstykkjum og hafrafittness á kerluna sína í tilefni dagsins, drykkjarföng höfðum við tekið með að heiman fyrr um morguninn ásamt tilheyrandi kælibúnaði og hitabrúsum.

 

Eftir að hafa neytt matarins lögðum við í hann á Subaru en við tókum ákvörðun um að fara á honum frekar en Jeppanum þar sem veturinn er nú ekki genginn í garð og flestir vegir í lagi jafnt í borg sem og á fjöllum, það fór nokkuð vel um okkur í bílnum og mösuðum við um heima og geyma á leiðinni, þegar að við fórum að nálgast fjörð nokkur er við Hafnir er kenndur gaf bíllinn til kynna að okkur færi að vanta eldsneyti, svo við renndum upp að verslun og Gaukur dældi sjálfur á bílinn enda subbugangur bensínafgreiðslumanna slíkur að enginn ætti að taka þá áhættu að greiða fyrir þá þjónustu, eða það hef ég heyrt !

 

Á leiðinni frá Hafnarfirði mauluðum við í okkur   og drukkum kælda drykki með að frátöldu því þegar Gaukur fékk sér heitt kakó þegar við vorum á móts við Vífilsstaði og þótti honum það nokkuð gott enda uppskrift ömmu minnar.

 

Ekki er því að leyna að það glaðnaði nú heldur betur yfir okkur þegar við sáum grilla í IKEA bygginguna stóru og fannst okkur sem Subarúinn flygi síðasta spölinn og þótt okkur hafi reynst býsna erfitt að standa upp úr bílnum eftir alla þessa ferð varð gleðin í hjörtum okkar svo mikil að á endanum valhoppuðum við að innganginum..... það skal tekið fram að í IKEA er INNGANGUR og ÚTGANGUR og skyldi fólk varast að koma að ÚTGANGI, nema hvað við innganginn rákumst við á 2 af eðalbloggurum þessa lands, og tjáðu þau okkur hve dugleg þau væru að blogga og varð þetta til þess að er heim var komið eftir ferðina miklu að kaupa snaga snaraðist húsfrúin í tölvuna og dustaði rykið af bloggsíðunni sinni og vooollllllla!

Knús og kram og látið ykkur líða vel í myrkrinu.

Shocking


1.júní og mig langar á bar !!

það er loksins runninn upp sá dagur að mig langar að fara á bar í Reykjavík, enginn síkarettureykur að drepa mann og svo getur maður farið að sofa þokkalega lyktandi eftir djammið.

 Hip hip hurrey !!


1.maí ofan í bæ.

Sæl og blessuð öll sömul,

í dag er víst 1.maí og mér finnst sumarið bara vera komið, við hjónaleysin og afkvæmi okkar fórum niðrí bæ í skrúðgönguna, þar sáum við mikið af skrítnu fólki, t.d hina ýmsu frambjóðendur, konuna með skeggið og stöku erlenda ferðamenn sem fannst þetta voða skemmtilegt en vissu ekkert hvers við vorum að krefjast í kröfugöngunni okkar.

Við fórum í heimsókn niðrí Samfylkingarskrifstofu og grilluðum pylsur eins og brjálæðingar handa svöngum mannskapnum sem kominn var í rokið og kulið niðrí miðbæ, við kíktum inn hjá vinstri grænum á Nasa en þar var umhorfs eins við værum komin í erfidrykkju austur í sveitum þar sem kvenfélagið hafði bakað,  smurt og steikt, og flestir hreppsbúarnir komnir á efri árin.

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband